Sorat Dari Dika: Sanja’-Sanja’na Agus Widiey

Sorat dari Dika 

Sorat-sorat sè dari dhika

Sanonto pon èkakan rap-rap

Nape neka settong tandha

Jha’ dhika bannè jhudu bula.

Topote, 2021

Tandha Mosem Nemor  

Ojan pon ta’ toron samènggu

Are ngumbar ta’ bu-ambu

Aberi’ kabar ka oreng tane

Jha’ mosèm nèmor bhakal tèba

Soap ban ojang dhaddi settong

Ceka’ e bhadan ta’ dhuli caltong

Tore re'-are jagung padina

Parajaga syokkor jha' ghun bannya' serrona.

Topote, 2021

Jaman Akhèr

Ngatèla' na'-kana' e langgar ngaji

Sanonto ghi' ta' loppa mondhut HP

Asabab banya' se asennengan 

Mon ta' negu' ekoca' ta' jaman

Jaman akhèr ongghu sanonto

Cethak rassana e saba'a ka soko

Na' poto lako aserro lesso

Bila epamangkata ka langgar ngaji

Bila enga' dhabuna guru

Tanda keyamat ahlak pon ta' paju

Topote, 2021

Guru Bateèn
; Kyae ACH. Zaini 

Kyaè, kerrong abdhina se sokla

Epakerema dha' sanja' panèka

Samoga atè tambha longsè

Sabatara aèng se soccè

Kyaè, abdhina nyoprè èlmo se berkat

Akanta saghara se ta' perna kasat

Sè bisa aghuna dha’ masyarakat

Dhari dhunnya sampè’ akhèrat.

Topote, 2021

Agus Widiey, Laher e topote 17 Mei. Lebur nolès sanja’ sajjekka ngallè kelas  kelas duwa’. Samangken ghi’ aropa’aghi santrè neng Pondhuk Nurul Muchlishin Pakondang, Rubaru, Songennep, Madhura. sanja’-sanja’na perna maso’ Koran Radar Madura.

Share this post