Careta dhari Oreng Paseser Lembana: Sanjâ’-Sanjâ’na Khalil Satta Èlman

Pangèsto

aèng mata bulâ

aghili ka ḍâḍâna dhika

bân,

aèng matana dika

aghili ka ḍâḍâ bulâ.

Al-Ghufron, Oktober 2020

Careta dhari Oreng Paseser Lembana

”dhâllu, è ḍinto;

angèn sè ḍâteng ḍâri tengnga arongan ro’om kembhâng tanjhung

rong-kèrong bân ḍâ-tanḍâ majhenno kèjung-pajurung

lancèng –parabân salèng tabâng è kajâllâ tana cato.”

oca’na, sambi maghili aèng matana sè terros nalar

ka patèkang rèngsa, ka saghâra rassa.

“tapè, sanonto;

bâuna angèn pon aghibâ pèttengngen_bhaṭṭowangan

ko’-jhuko’ sè bâḍâ è dhârâ’  nyingghâ ta’ ètemmo lampaddhâ

bân tana cato-na dhâddhi tambhâ’_oḍâng_, sè maḍâteng bahâbbhâjâ ta’ bisa ètambha’.”

tambâna, sambi terros mamèjhil aèng matana.

Ghâppora, 15 September 2020

Adhinah Loka #2

bhâ' napè sabâbbhâ,

bulâ ma' ghi' ta' bisa mardhika

ḍâri mèsemma dhika.

mangkana ampon saèbu loka

sè dhika patrè è longkangnga atè

kalabân salaksa rosèya

sè ta' bisa ètebbhâk mertè.

;tembhâng artatè

aobâ tembhâng maskumambang

sè ngambâng 

è tanèyanna seppè.

Kombâng, Mei 2019

Èdhinah Abhâkalan #2

aèng mata nèko

terros nyèram jhâman

matombu rèngsa 

tor manyelbhi’ nèspa

sè bâḍâ è rabâ-rabâna loka.

jhânjhi-jhânjhi coma ḍâteng

kalabân èkèbâ ḍângḍâng

akalèmbâng anḍâng

sè kaḍhâng mapaḍḍhâng 

kabâḍâ’ân

tor mapetteng kaoḍi’ân.

perghi-perghina loka 

sè ètamen dhika

terros mopos è nèmor kara.

lè’, bhâ’ ghi’ ènga’a dhika

ḍâ’ ka bulâ sè ghi’ mèkol

kakacèbâ’ânna rassa,

bân nahan panassa arè

sè sanalèka aerrem

è ḍâḍâ talka.

Al-Ghufron, Oktober 2018

Ngarep

ḍâri pajjhâr sampè’ lobâr

bulâ nokṭok labângnga dhika

ta’ ghellem abukka’.

napè dhika bâḍâ sè marangko

kalabân koko?

pangarep bulâ abhâṭèk “ta’ kèra”

asabâb bulâ ampon maghunong pangara

nokdhuk langngè’ taḍâ’ bâtessa.

maḍḍhâ bâca èssèna atè

sè aokèr nyamana dhika kalabân malaṭè.

:coma ḍâ’ dhika, bulâ ngarep pastè.

Ghâppora, 20 Maret 2018

Aghâbây Sanjâ’

ju’-toju’ è attassa bâto sè potè 

kalabân apajung bhungkana jatè,

bulâ nolès sanjâ’ lèbât mansènna atè

sè bhâkal malanggheng nyama maskèya matè.

Ajiyan, 21 Fèbruari 2018

Khalil Satta Èlman, nama pena dari Khalilullah lahir di Pulau Poterran, Sumenep, Madura, 7 Mei 2003. Menulis puisi dalam dwibahasa, Indonesia dan Madura sejak duduk di bangku Tsanawiyah. Puisi Bahasa Madura-nya sering dimuat di Jawa Pos Radar Madura (JPRM) dan Majalah Jokotolè (Balai Bahasa Jawa Timur), sedangkan puisi Bahasa Indonesinya tersiar di surat kabar dan online: Tembi.net, Pena Aksara, Kawaca.com, Radar Madura, Kabar Madura, Banjarmasin Post, Pos Bali,dll. juga terangkum dalam antologi bersama a.l.; Jazirah; Jejak Hang Tuah dalam Puisi (131 Penyair di Festival Sastra Internasional Gunung Bintan 2018), Jazirah 2; Segara Sakti Rantau Bertuah (FSIGB, 2019), Perihal Matinya Si Pemuda (Oase, 2019),Gus Punk; Puisi untuk Gus Dur (Pelataran Sastra Kaliwungu, 2018), Meminang Putri Dewa (Tidar Media, 2018), Mahligai Penyair Titi Payung; Mengenang Damiri Mahmud (2020), Pringsewu Kita (2020) Semesta Jiwa (2020), Gambang Semarang (KKK, 2020), Rantau: Dari Negeri Poci 10 (2020), Alumni Munsi Menulis III (2020),dll. Alumnus MI Al-Hidayah (Kombang, Talango), MTs. Nasy-Mut (Gapura). Saat ini masih nyantri di PP. Al-Ghufron (Battangan) dan masih tercatat sebagai siswa kelas akhir prodi IPS/2 di MA Nasyatul Mutaallimin (1) Gapura Timur, Gapura, Sumenep, Madura. Aktif di Komunitas Asap, Sanggar Biru Laut, dan Komunitas Semenjak. Email: khalil.zafra@yahoo.com. Facebook: Khalil Satta Elman II. WA: 085925750454.

Share this post